Athrawon

Diolch am ymweld â’n gwefan.

Ar y tudalennau hyn, byddwch yn dod o hyd i adnoddau a gwybodaeth i’ch helpu wrth gynllunio gwersi (mae digonedd o daflenni gwaith y gellir eu hargraffu) a rhai adroddiadau allweddol a phapurau sy’n berthnasol i hybu iechyd yn yr ysgol.

Y pynciau a gwmpesir ar hyn o bryd yw:

• Maethiad
• Ysmygu
• Addysg rhyw
• Ymarfer corff
• Diogelwch
• Camddefnyddio sylweddau

Mae Pobl Ifanc yn Nghymru: canfyddiadau astudiaeth o Ymddygiad Iechyd Plant o oedran Ysgol (HSBC) 1986-2000 yn cynnwys llawer o adrannau a fydd o ddiddordeb i athrawon, gan gynnwys penodau ar amgylchedd yr ysgol, ysmygu, alcohol, plant yn camddefnyddio cyffuriau anghyfreithlon, patrymau bwyta a gweithgaredd corfforol.

Mae Llywodraeth Cynulliad Cymru wedi cyhoeddi cynllun gweithredu fel ymateb i'r astudiaeth hon. Iechyd a Lles Plant a Phobl Ifanc: Camau gweithredu mewn ymateb i'r materion a godwyd gan yr Astudiaeth ar Ymddygiad Iechyd Plant Oedran Ysgol (HBSC) 1986-2000

Noder, efallai y bydd gennych ddiddordeb hefyd yn yr adran ar Gynlluniau Ysgolion Iach – Rhwydwaith Cymru (WNHSS) ar wefan Prif Swyddog Meddygol Cymru. Ewch i www.cmo.cymru.gov.uk/content/work/schools/wnhss-w.htm i gael gwybod mwy.

Gallwch gael taflen wybodaeth i athrawon am ofalwyr ifanc drwy glicio yma.

Gofalwr ifanc yw rhywun sydd o dan 18 oed a’i fywyd wedi’i gyfyngu am ei fod yn gorfod cymryd cyfrifoldeb dros aelod o’i deulu oherwydd salwch, anabledd, iechyd meddwl a phroblemau alcohol neu gyffuriau.

Mae gwybodaeth bellach fanylach am bob gofalwr ar gael ar wefan Llywodraeth Cynulliad Cymru yn: www.wales.gov.uk/subisocialcarers/